ازييكم يا جعاوييين

اللى بيحب الكلاب يتفضل جبتلكم احسن انواع الكلاب

الجولدن ريتريفر





كلب ذكى جدا بيستجيب للتدريب بسهوله ودود غير شرس كثير النباح على الفاضى وصوته عالى لا يمكن اعتباره كلب حراسه

نشاطه زايد وشقى جدا لو ماتمش السيطره عليه هيتقلب البيت جحيم لانه ممكن يدمر حاجات كثيره فى البيت


اللابرادور





نفس مواصفات الجولدن ريتريفر لكن بيختلف عنه فى كام نقطه ممكن يستخدم فى الحراسه ودى ميزه لانه ممكن فى الحراسه

يخوف اى حد مالوش فى الكلاب لكن مش هيكون حارس مثالى


الجيرمن شيبرد





سهل جدا فى تربيته درجه ذكاؤه عاليه جدا بيستوعب التدريبات والاوامر نشيط ومرح شرس وحارس يقظ ولو ماتم السيطره عليه هيكون مؤذى للغرباء

بيحب النباح وصوته عالى محتاج تدريب والخروج به يوميا مش نحبسه ونجيبله اكتئاب ويروح فيها غيور على صاحبه جدا


البوكسر





ذكى شقى وحيوى ومرح نباحه قليل مش عمال على بطال شرس جدا وشقاوته مصيبه خصوصا انه بينط والنطه بتاعته متر ونص

لازم السيطره عليه لانه عنيد


الرودفايلر





وفى جدا لصاحبه يعنى ممكن يموت نفسه عشان خاطر صاحبه بنيته الجسديه قويه وحارس مثالى حنون ووفى

محتاج لرعايه كبيره لازم يخرج كل يوم عشان لياقته عنيد جدا ودماغه ناشفه ومحتاج شخص خبير فى الكلاب عشان يقدر يسيطر عليه

محتاج تغديه خاصه ومكلفه شرس جدا مع الغرباء ممكن يعمل مصايب مع اى حد غريب هادى ومش بيلعب ولا بيتنطط


البيت بول


[img width=700 height=568]http://img20.imageshack.us/img20/7084/swahlcom40b54dci9dl0.jpg[/img]


ده بقى البيج بوص بتاع الكلاب شكله يخوف بس طيب هادى جدا فى البيت ومش بتاع مشاكل وطول ما صاحبه مشغول بينام ومش بيعمل قلق

افضل حارس ممكن تجيبه سواء فى البيت او خارجه مخلص جدا لصاحبه ويحميه بأى شكل

عنيد محتاج شخص خبير خصوصا فى النوع ده بالذات لازم تجيبه اقل من شهرين عشان تقدر تسيطر عليه

لو استخدم فى الحراسه لازم تكون الناس كلها عارفه انك مربى الكلب ده لان لو حد غريب دخل البيت تأكد انه هيطلع جثه او بعاهه مستديمه

محتاج نظام غذائى دقيق وتمارين رياضيه عنيفه للحفاظ على لياقته سمعته فى العالم سيئه وناس كتر بتخاف منه


الجريت دان او بالمصرى الدنواه





كلب سهل فى تدريبه نباحه قليل ومش مزعج حنون وعطوف جدا ومحب لصاحبه بنيته الجسديه ضخمه جدا وطويل واكتر الناس بتخاف منه بس طيب جدا

غير شرس بالمره ولايمكن الاعتماد عليه فى الحراسه بيحتاج كميه طعام كثيره مابيحبش اللعب والشقاوه درجه ذكاؤه اقل من الانواع السابقه